மா இஞ்சி தொக்கு :

மா இஞ்சி - 1/4 கிலோ
வர மிளகாய் - 12
புளி - எலுமிச்சை அளவு
உப்பு - தேவைக்கு
எண்ணெய்
கடுகு
வெந்தயம்
பெருங்காயம்
தூள் வெல்லம் - சிறிதளவு

மா இஞ்சி தோல் சீவி நறுக்கி வைக்கவும்.



வாணலியில் கொஞ்சம் எண்ணெய் விட்டு வர மிளகாய் வறுத்து வைக்கவும்.
மா இஞ்சி, வர மிளகாய், உப்பு, புளி அனைத்தையும் நைசாக அரைக்கவும்.



வாணலியில் எண்ணெய் விட்டு கடுகு, வெந்தயம், பெருங்காயம் தாளித்து அரைத்த விழுதை கொட்டி நன்றாக கிளறவும்.



எண்ணெய் பிரிந்து வந்ததும் வெல்லம் போட்டு கிளறி இறக்கவும்.

இந்த குக்கீஸ் செய்வது ரொம்ப ஈஸி .



தேவையான பொருட்கள் :

மைதா மாவு - 1 1/2 கப்
Baking Powder - 1/4 டீஸ்பூன்
Baking Soda - pinch
சர்க்கரை - 1/4 கப்
வெண்ணெய்
உப்பு
இஞ்சி - ஒரு துண்டு
சீரகம் - 1 டேபிள் ஸ்பூன்
பச்சை மிளகாய் - 1

செய்முறை :

மைதா , baking powder, Baking soda சேர்த்து சலித்து வைக்கணும்...
வெண்ணெய், சர்க்கரை சேர்த்து நன்றாக கிளறனும்...
இஞ்சி, சீரகம், பச்சை மிளகாய் பச்சையாக அரச்சிக்கணும்..

இதை எல்லாம் ஒன்றாக சேர்த்து சப்பாத்தி மாவு மாதிரி பிசைந்து வைக்கணும்...


குழவியால் சப்பாத்தி இடுவது போல் தேய்த்து அச்சு மூலம் குக்கீஸ் செய்து



baking tray இல் அடுக்கி



200c இல் 25 நிமிஷம் ஓவன் இல் வைத்து எடுத்தால் ஜிஞ்ஜர்  குக்கீஸ் தயார்.....



இந்த குக்கீஸ் செய்து பாருங்க....காரமாக நல்லா இருக்கும்  ....

இந்த பொங்கல் ரொம்ப ஈஸியா செய்துடலாம்....மகி ஒரு முறை அவங்க ப்ளாக் ல போஸ்ட் செய்து இருந்தாங்க...அதை பார்த்து ட்ரை பண்ணேன்...என்னோட மாமனார்க்கு ரொம்ப ரொம்ப புடிச்சு போச்சு...இப்போ நைட் டின்னெர்  பண்ணனும்னா, புளி பொங்கல் செய்துடுனு சொல்லுவார்... ஈஸி என்பதால் நானும் உடனே செய்து விடுவேன்....


தேவையான பொருட்கள் :

நல்லெண்ணெய்
கடுகு
உளுத்தம் பருப்பு
கடலைப்பருப்பு
வெந்தயம்
வேர்கடலை - 1 கைப்பிடி
கருவேப்பிலை
பெருங்காயம்
காய்ந்த மிளகாய் - 8
புளி -  எலுமிச்சை அளவு
உப்பு
பச்சரிசி நொய் - 1 ஆழாக்கு

செய்முறை :

திக்காக 2  கப் புளிக்கரைசல் எடுத்து வைக்கவும்...
குக்கரில் எண்ணெய் விட்டு கடுகு, உளுத்தம் பருப்பு, கடலைப்பருப்பு, வெந்தயம், கருவேப்பிலை, பெருங்காயம், காய்ந்த மிளகாய், வேர்கடலை போட்டு வதக்கி புளி கரைசல் 2 கப் விட்டு, உப்பு போட்டு கொதிக்க விடவும்.....

நொய்யை களைந்து வடிய விட்டு  கொதிக்கும் புளிகரைசலில் போட்டு ஒரு முறை கிளறி குக்கரை மூடி, 2 விசில் விடவும்....




ப்ரெஷர் போனதும் குக்கரை திறந்து கிளறினால் புளி பொங்கல் தயார்....



வடாம்,சிப்ஸ் தொட்டுண்டு சாப்பிடலாம்....நான் தயிர் தொட்டுண்டு சாப்பிட்டேன்...ரொம்ப நல்லா இருந்தது....

இந்த கடைசி கோலம் மட்டும் என்னோட அக்கா போட்டது.... 

இந்த ரெசிபி ரொம்ப நாளா என்னோட அண்ணன் கேட்டுகிட்டு இருந்தாங்க.... என் கணவருக்கு   பாகற்காய்  புடிக்காது... அதான் இந்த பிட்லை செய்வதற்கு ரொம்ப  நாள் ஆகிடுச்சு.....




தேவையான பொருட்கள் :

எண்ணெய் - தாளிக்க
கடுகு - 1/2 டீஸ்பூன்
வெந்தயம் - 1/4 டீஸ்பூன்
தக்காளி - 1
பாகற்காய் - 2
கடலைக்காய் - 1 கை
புளி - எலுமிச்சை அளவு
உப்பு - சுவைக்கு ஏற்ப
மிளகாய் பொடி - 1/2 டேபிள்ஸ்பூன்
துவரம் பருப்பு - 11/2 கரண்டி
கடலை பருப்பு - 1 டேபிள் ஸ்பூன்

வறுத்து அரைக்க :
தனியா - 1 டேபிள்ஸ்பூன்
கடலைபருப்பு - 1 டேபிள்ஸ்பூன்
பெருங்காயம் - 1 சிட்டிக்கை
காய்ந்த மிளகாய் - 2
தேங்காய் - 2 டேபிள்ஸ்பூன்

செய்முறை :

துவரம் பருப்பு , கடலை பருப்பை குழைய வேக வைக்கவும்...


புளி தண்ணீர் கரைத்து வைக்கவும்...
வறுத்து அரைக்க வேண்டியவற்றை 1 டீஸ்பூன் எண்ணெய் விட்டு வறுத்து அரைத்து வைக்கவும்...


பாகற்காயை பொடியாக நறுக்கி தரையில் பரப்பி வைக்கவும்.... ( தரையில் பரப்பி வைத்தால் கசப்பு குறையும் )



தக்காளி பொடியாக நறுக்கி வைக்கவும்....
கடலைக்காயை தண்ணீரில் போட்டு வைக்கவும்....

வாணலியில் எண்ணெய் விட்டு கடுகு, வெந்தயம் போட்டு வெடிக்க விடவும்.. அதில் கடலைக்காய்,  பாகற்காய்,தக்காளி போட்டு நன்றாக வதக்கவும் ..


புளி தண்ணீர் கொட்டி உப்பு, மிளகாய் பொடி போட்டு கொதிக்க விடவும்...


வேக வைத்த பருப்புடன் அரைத்த விழுதை கொட்டி கலந்து வைக்கவும்.

காய் வெந்து புளி தண்ணீர் சுண்டி வந்ததும்,




பருப்பு,அரைத்த விழுதை கொட்டி கொதிக்க வைத்து கருவேப்பிலை தூவி இறக்கவும்....



பாகற்காய் பிட்லை ரெடி...ரோஸ்ட் காயுடன் சாப்பிட அருமையாக இருக்கும். ...


நான்  முருங்கைக்காய், கத்தரிக்காய்,உருளைகிழங்கு போட்டு காய் செய்தேன்....நன்றாக  இருந்தது...